بش دماخ بش ایشیدماخ



قاراقان یلی اسدی
شخته سی منی کسدی
ساغ گؤزؤم سنه قوربان
سول گوزوم منه بسدی


داغلارون آغ لالاسی
الده می پیالاسی
سویون گل قوجاقوما
نازلی جیران بالاسی



دام دامادور داموموز
قوشادور ایوانوموز
سن اوردان چیخ من بوردان
کور اولسون دوشمانوموز


قارقا گلیب قار ایستیری
ممد خان آرواد ایستیری
فاطما خانوم  چیخ ایوانا
سنی  وریم  ممد  خانا



قوز آغاجی دگیلم
هر   گلنه   اگیلم
اگیل اؤزوینن اؤپؤم
من اؤزگه سی دگیلم


بو یانا دؤندر منی
او یانا دؤندر منی
یاروم بیزه گلمدی
همدانا گؤندر منی


چیخدیم دام آراسونا
باخدوم آی پاراسونا
قیزیل گول جرگه ووروب
یار گیریب  آراسونا


او تایدان گؤول آتاللار
بو تایدان گؤول توتاللار
قوز ایچی بادام ایچی
یارا سوغات توتاللار


اتورموشدوم ایش اؤسته
گؤون دوشدو دیزیم اؤسته
یاردان موشتولوق گلیب
موشتولوق گؤزؤم اؤسته


دالان آستی دریندی
سو سپمیشم سریندی
منی بو درده سالان
بیر قلم قاش گلیندی


/ 1 نظر / 23 بازدید
as

بهترین مطلبی بود که تا حالا گذاشتی دمت گرم فیض بردیم همین فرمون برو جلو